BİZON Student Cup II başa çatdı.

"BIZON Energy"-nin sponsorluğu, QOLAT Sport Services-in təşkilatçılğı ilə keçirilən BİZON Student Cup II-nin 7 aprel tarixində final mərhələsi baş tutdu. Günün ilk oyunu 3-cülük uğrunda Medicals-Cyber MFC komandaları arasında baş tutdu. Oyunun əsas vaxtı 1-1 hesabı ilə bitdi. Penaltı zərbələrində Cyber MFC rəqibini məğlub edərək turnirin bürünc mükfataçısı oldu. Saat 18:00 -da baş tutan oyunda çempionun adına aydınlıq gətirildi. 7 həftə davam edən turnirdə çempionluq uğrundan Elitar FC-4US komandaları üz-üzə gəldilər. Elitar FC oyuna çox sürətli başladı. Rəqibi qarşısında 4-0 önə keçən Elitar FC artıq çempionluq mahnıları oxumağa başlamışdı.Lakin 4US komandası möhtəşəm geri dönüş edərək hesabı bərabərləşdirdi. Oyunun əsas vaxtı bərabərə bitdi.Penaltı zərbələrində güclü olan Elitar FC, BİZON Student Cup II-nin qalibi oldu. Çempion və turnirə qoşulan digər bütün komandalara növbəti turnirlərdə uğurlar arzu edirik.