"BIZON STUDENT CUP" da Final

"BIZON STUDENT CUP" da Final

Ölkənin ən çox sevilən enerji içkisi olan “Bizon Energy” nin baş sponsorluğu, QOLAT Sport Servicesin təşkilatçılığı ilə yalnız tələbələr arasında keçirilən Bizon Student Cup Mini Futbol Turnirinə yekun vuruldu.
Meydana ilk öncə turnirin bürünc mükafatçısını müəyyən etmək üçün STOM FK Politexnik FK komandaları çıxdı. Finala bərabər gərgin və əzmkar mübarizə çərçivəsində keçən matçda STOM FK komandasının önə keçməsinə baxmayaraq oyunun sonlarına yaxın göstərdiyi əzmkar oyun nəticəsində Politexnik FK komandası hesabı bərabər edərək matçı əlavə vaxtlara aparmağı bacardı.
Əlavə vaxtda da qalib müəyyənləşmədiyinə görə oyundan sonra penalti zərbələrinə ehtiyac duyuldu. 
Penalti zərbələrində daha dəqiq oynamağı bacaran STOM FK komandası BIZON STUDENT CUP Mini Futbol Turnirinin bürünc medallarına və 500 AZN pul mükafatına layiq görüldü. Vurduğu qollar ilə komandasının yarımfinala qədər irəliləməsində böyük paya sahib olan Engin Gök isə turnirin ən sərrast futbolçusu kimi xüsusi mükafat ilə təltif olundu.
Günün əsas və ən çox gözlənilən matçı olan final oyununda isə Bakı Mühəndislik Universitetini təmsil edən BMU FK komandası isə güclü heyyətə sahib olan Cooperation Team komandası ilə qarşılaşdı.
Oyuna sürətli və daha inamlı başlayan Cooperation Team komandası kapitan Fikrətin və çempionat boyu güclü təsir bağışlayan Mirmehdinin gözəl oyunu nəticəsində qısa zamanda 3-0 hesabı ilə irəli keçməyə nail oldu. İkinci hissədə isə BMU FK komandası üstünlüyü nisbətən ələ almasına baxmayaraq Cooperation Team komandası yenidən vurduğu qollar ilə sonda 5-2 hesabı ilə qalib gələrək BIZON STUDENT CUP Mini Futbol Turnirinin çempionu adını qazandı.
Oyundan dərhal sonra başlayan təltifetmə mərasimində BMU FK komandası turnirin gümüş medallarından əlavə 1000 AZN-lik pul mükafatı ilə, həmçinin komandanın kapitanı olan çempionat boyunca nümayiş etdirdiyi gözəl oyun ilə fərqlənən Maqsud Salahlı turnirin ən yaxşı oyunçusu olaraq xüsusi mükafat ilə təltif olundu.
Cooperation Team komandası isə turnirin qızıl medallarından əlavə əsas uduşu olan 1500 AZN-lik pul mükafatına sahib oldu.
Biz isə QOLAT Sport Services komandası olaraq turnir boyunca iştirak edən bütün komandalara və bütün dəstək olan şəxslərə öz dərin təşəkkürümüzü bildiririk.
Çempionatın reallaşmasında əsas paya sahib olan “Bizon Energy” nin başda rəhbərliyi olmaqla, bütün əməkdaşlarına təşəkkür edirik.
Sizin isə gözünüz daima bizdə olsun, çünki biz yeni və maraqlı idman layihələri ilə yenidən sizləri sevindirməyə çalışacağıq.
Bizi izləməyə davam edin.


Müəllif : Murad Hümmət

Şərhlər (0)

Həmçinin oxu

Dünya Futbolu
“Beşiktaş”dan ağır məğlubiyyət
“Beşiktaş”dan ağır məğlubiyyət
Türkiyə Super Liqasında ilk tur davam edir. Qolat.com-un məlumatına görə, ikinci oyun günündə üç qarşılaşma keçirilib. İddialılardan “Beşiktaş”...
Dünya Futbolu
İnfantino yenidən FİFA prezidenti seçildi
İnfantino yenidən FİFA prezidenti seçildi
Canni İnfantino yenidən Beynəlxalq Futbol Federasiyasının (FİFA) prezidenti seçilib. Qolat.com-un məlumatına görə, iyunun 5-də Fransanın Paris şəhərində baş tutan FİFA-nın qurultayında bu...
Dünya Futbolu
“Qalatasaray” Fatih Terimlə yeni müqavilə imzaladı
“Qalatasaray” Fatih Terimlə yeni müqavilə imzaladı
Türkiyənin “Qalatasaray” klubu baş məşqçisi Fatih Terimlə müqaviləni uzadıb. Qolat.com-un məlumatına görə, 66 yaşlı təcrübəli mütəxəssislə imzalanan yeni...
Ölkə Futbolu
“Qarabağ” üç futbolçu ilə yollarını ayırdı
“Qarabağ” üç futbolçu ilə yollarını ayırdı
Azərbaycan çempionu “Qarabağ” üç futbolçu ilə yollarını ayırıb. Qolat.com-un klubun rəsmi saytına istinadən verdiyi məlumata görə, Ağdam təmsilçisi 2018/19...