"Barselona"dan Messiyə müddətsiz müqavilə təklifi

“Barselona” komandanın kapitanı Lionel Messiyə karyerasının sonuna qədər müqavilə təklif edib.

Qolat.com-un məlumatına görə, Kataloniya təmsilçisi 32 yaşlı hücumçu ilə 2021-ci ilin yayına qədər olan sözləşmənin müddətini yeniləmək istəyir. Argentinalı forvard da dəfələrlə karyerasını “Barselona”da başa vurmaq istədiyini söyləyib.

Qeyd edək ki, “Barselona”nın yetirməsi olan Messi əsas komandada 2004-cü il oktyabrın 16-da debüt edib və hazırda klubun ən titullu futbolçusudur.

O, 10 dəfə İspaniya və 3 dəfə klublararası dünya çempionu olub. Forvard 6 dəfə ölkə kubokunun, 8 dəfə ölkə Super Kubokunun, 4 dəfə Çempionlar Liqasının, 3 dəfə UEFA Super Kubokunun qalibi adını qazanıb. Argentinalı futbolçu 5 dəfə “Qızıl top”a və 6 dəfə isə “Qızıl buts”a layiq görülüb.