“Qalatasaray” və “Atalanta” finalda, “Sevilya”dan darmadağın, “Real” xal itirdi - İcmal

“Qalatasaray” və “Atalanta” finalda, “Sevilya”dan darmadağın, “Real” xal itirdi - İcmal

“Qalatasaray” və “Atalanta” finalda, “Sevilya”dan darmadağın, “Real” xal itirdi - İcmal

Türkiyə kubokunda yarımfinal mərhələsi başa çatıb.

Qolat.com-un məlumatına görə, cavab oyunları çərçivəsində son qarşılaşma Malatyada keçirilib.

“Qalatasaray” səfərdə “Yeni Malatyaspor”un qonağı olub. Rəqibini 4:1 hesabı ilə darmadağın edən İstanbul təmsilçisi finala yüksəlib.

“Sarı-qırmızılar” Türkiyə kubokunun tarixində 23-cü dəfə həlledici görüşdə oynayacaq. İndiyədək 17 dəfə kuboku başı üzərinə qaldıran “Qalatasaray” son 5 mövsümdə üç dəfə - 2013/14, 2014/15 və 2015/16 mövsümlərində yarışın qalibi olub. İstanbul nəhəngi həm finaldakı iştirak, həm də qazanılan titul sayında Türkiyə rekordçusudur.

Qeyd edək ki, mayın 16-da Sivasda keçiriləcək finalda “Qalatasaray” “Akhisar”la üz-üzə gələcək.

İtaliya kubokunda yarımfinal mərhələsinə yekun vurulub.

İkinci finalçı Berqamoda müəyyənləşib.

“Fiorentina”nı qəbul edən “Atalanta” 2:1 hesablı əzmkar qələbə qazanıb. Səfərdəki ilk oyunda məhsuldar heç-heçəyə nail olan berqamolular finala vəsiqə qazanıblar. Tarixində 4-cü dəfə yarımfinal səddini adlayan “Atalanta” sonuncu dəfə 1995/96 mövsümündə bunu bacarmışdı.

Qeyd edək ki, “Atalanta” həlledici oyunda “Latsio” ilə üz-üzə gələcək. Final oyunu mayın 15-də Romadakı Olimpiya stadionunda baş tutacaq.

İspaniya La Liqasında XXXIV tura yekun vurulub.

Turun son günündə 3 qarşılaşma keçirilib.

“Sevilya” evdə “Rayo Valyekano”nu darmadağın edib. Qonaqların müqavimətini ikinci hissədə qıran meydan sahibləri 32 dəqiqəyə 5 qol vurublar.

“Vilyarreal” “Real Sosyedad”ın qonağı olub. Matçın taleyini qonaqların vurduğu bir top həll edib.

Turun son görüşündə “Real” “Xetafe”nin qonağı olub. Qarşılaşma qolsuz heç-heçə ilə başa çatıb.

Qeyd edək ki, növbəti turun oyunları aprelin 27-29-da keçiriləcək.


Müəllif : Qolat.com

Şərhlər (0)

Həmçinin oxu

Ölkə Futbolu
“Qarabağ
“Qarabağ" ilk qələbəsini qazandı
Yeni mövsümün hazırlıqlarını davam etdirən Ağdamın “Qarabağ” klubu növbəti yoxlama oyununu keçirib. Qolat.com-un məlumatına görə, Azərbaycan çempionu...
Dünya Futbolu
"Yuventus" çempion, "Mançester Siti" lider oldu, "Barselona"dan çətin qələbə - İcmal
İngiltərə Premyer Liqasında XXXV tura start verilib. Qolat.com-un məlumatına görə, mərkəzi görüş "Etihad" stadionunda baş tutub. "Tottenhem"i qəbul edən "Mançester...
Ölkə Futbolu
Avroliqanın finalına 30 mindən çox turistin gələcəyi gözlənilir
Avroliqanın finalına 30 mindən çox turistin gələcəyi gözlənilir
“Mayın 29-da Bakıda keçiriləcək UEFA Avropa Liqasının finalına təqribən 30 mindən çox turistin gələcəyi gözlənilir”. Bunu Qolat.com-a Elektron Hökumətin İnkişafı...
Dünya Futbolu
Çempionlar Liqasının təqvimi açıqlandı - Tam siyahı
Çempionlar Liqasının təqvimi açıqlandı - Tam siyahı
Çempionlar Liqasında qrup mərhələnin təqvimi açıqlanıb. Qolat.com-un məlumatına görə, UEFA qitəni ən nüfuzlu klub turnirinin oyunlarının vaxtını müəyyənləşdirib. 8 qrupda...