Sabah Çempionlar Liqasında ilk yarımfinalçılar müəyyənləşəcək

Sabah Çempionlar Liqasında ilk yarımfinalçılar müəyyənləşəcək

Sabah Çempionlar Liqasında ilk yarımfinalçılar müəyyənləşəcək

Sabah Çempionlar Liqasında cavab oyunlarına start veriləcək.

Qolat.com-un məlumatına görə, yarımfinalçıların müəyyənləşdiyi ilk oyun günündə iki matç keçiriləcək.

“Barselona” İspaniyada “Mançester Yunayted”i qəbul edəcək. İngiltərədə keçirilən qarşılaşmada minimal hesabla qalib gələn Kataloniya klubu cavab matçına üstünlüklə çıxacaq.
Qonaqlar isə turnirin favoritlərindən sayılan rəqibini mübarizədən kənarlaşdırmaq əzmindədir. Cari mövsümdə evdə yalnız bir dəfə uduzan “Barselona” “Nou Kamp”dakı son 5 matçında qələbə qazanıb.

Ümumilikdə 18 qarşılaşmadır uduzmayan ispaniyalılar seriyasını davam etdirsə, yarımfinala adlayacaq. “Qırmızı şeytanlar” isə son 6 görüşdən dördündə uduzub.

Digər yarımfinalçı İtaliyada müəyyənləşməlidir. “Yuventus” Hollandiya “Ayaks”ını qəbul edəcək. Amsterdamda hərəyə bir qol vuran komandaların cavab matçında meydan sahiblərini qolsuz heç-heçə də qane edir.

A seriyasının “Spal”la oyununda əsas heyət üzvlərinə istirahət verən “ağ-qaralar” tamamilə “Ayaks”la matça köklənib. Son beş qarşılaşmada iki dəfə uduzan turinlilər A seriyasında çempionluğun bir addımlığında olduğundan qüvvələrini qitənin ən nüfuzlu klub turnirinə yönəldib.

Səfərdə uğurlu çıxış edən “Ayaks” son 6 görüşdən beşində qələbə qazanıb. Hollandiyalılar İtaliya səfərində qalib gələrək yarımfinala yüksəlmək iddiasındadır.

Qeyd edək ki, 1/4 final mərhələsinə aprelin 17-də yekun vurulacaq.


Müəllif : Qolat.com

Şərhlər (0)

Həmçinin oxu

Dünya Futbolu
ÇL-də nələr baş verdi?
ÇL-də nələr baş verdi?
Çempionlar Liqasında günün qarşılaşmaları geridə qalıb.  Erkən saatlarda başlayan iki qarşılaşmada “Borussia Dortmund” səfərdə “Beşiktaş”ı 2-1 hesabı ilə...
Dünya Futbolu
AÇ-də ilk finalçı bəlli oldu!
AÇ-də ilk finalçı bəlli oldu!
Avropa Çempionatının ilk yarımfinal qarşılaşması keçirilib. İtaliya və İspaniya millilərinin qarşılaşması Chiesa və Moratanın qarşılıqlı qolları ilə 120 dəqiqənin sonunda bərabərliklə...
Dünya Futbolu
Dünyanın 10 ən bahalı futbol klubu - Siyahı
Dünyanın 10 ən bahalı futbol klubu - Siyahı
Dünyanın ən bahalı futbol klublarının siyahısı açıqlanıb.  Qolat.com-un məlumatına görə, siyahıya 3,38 milyard funt sterlinqlə "Real Madrid" liderlik edir. İkinci yerdə 3,19...
Dünya Futbolu
"Real Madrid" Neymara illik 40 milyon avro məvacib təklif edib
İspaniyanın "Real Madrid" klubunun Fransa PSJ-sində çıxış edən Neymara təklif etdiyi illik məvacib bəlli olub. Qolat.com-un məlumatına görə, Madrid təmsilçisinin prezidenti...