Millətlər Liqasının qalibi Portuqaliya oldu

Millətlər Liqasının qalibi Portuqaliya oldu

Millətlər Liqasının qalibi Portuqaliya oldu

UEFA-nın ilk dəfə təşkil etdiyi Millətlər Liqası turnirinə yekun vurulub.

Qolat.com-un məlumatına görə, Portuqaliyada təşkil olunan final mərhələsində son iki oyun keçirilib.

Öncə 3-cü yer uğrunda matç baş tutub. Gimaraynş şəhərində keçirilən qarşılaşmada İngiltərə və İsveçrə üz-üzə gəlib. Matçın 120 dəqiqəsi ərzində qapılara qol vurulmayıb. 

Üçüncü yerin taleyi penaltilər seriyasında həll olunub. Daha dəqiq olan futbolun yaradıcıları 6:5 hesabı ilə qalib gəliblər.

Həlledici qarşılaşma isə Portunun “Draqao” stadionunda baş tutub. Meydan sahibi Portuqaliya öz meydanında Hollandiya ilə qarşılaşıb.

Finalın taleyi görüşün ikinci hissəsində həll olunub. 60-cı dəqiqədə qüvvətli zərbə ilə qol vuran Qonsalo Qedeş Portuqaliya millisinə qitəmiqyaslı turnirlərdə ardıcıl ikinci titulu qazandırıb. AVRO-2016-nın qalibi Millətlər Liqasında ilk mövsümün kubokunu başı üzərinə qaldırıb. Üç qolla final mərhələsinin bombardiri olan Kriştianu Ronaldo isə “Allpay” mükafatına yiyələnib.

Beləliklə, 2018-ci ilin sentyabrında start götürən Millətlər Liqasının 2018-19 mövsümünə yekun vurulub. Yarışın yekununda qalib komanda kuboku başı üzərinə qaldırmaqla yanaşı 10,5, finalçı 9, üçüncü yer sahibi 8, həlledici mərhələnin uğursuzu 7 milyon avro qazanc edib.

Qeyd edək ki, başa çatan Millətlər Liqasının yekunlarına, həmçinin AVRO-2020-nin seçmə mərhələsinin nəticələrinə əsasən, 16 komanda qitə çempionatının pley-off mərhələsində iştirak edəcək. Portuqaliyadakı final mərhələsinin qalibinin AVRO-2020-yə yüksəldiyini düşünənlər olsa da, yarışın əsasnaməsində belə bir bənd yoxdur. Final mərhələsinin iştirakçıları seçmə oyunlar və pley-offdan sonra bəlli olacaq.


Müəllif : Qolat.com

Şərhlər (0)

Həmçinin oxu

Dünya Futbolu
Qrizmanın
Qrizmanın "Barselona"ya keçidi ilə bağlı araşdırma başladı
Fransa milli komandasının futbolçusu Antuan Qrizmanın İspaniya təmsilçiləri“Atletiko”dan “Barselona”ya keçidi ilə bağlı araşdırma başlanıb. Qolat.com-un məlumatına...
Dünya Futbolu
"Liverpul"un hücumçusu Seneqalda məktəb tikdirib
İngiltərənin “Liverpul” klubunun futbolçusu Sadio Mane Seneqalda doğulduğu kənddə məktəb tikintisinə 270 min avro ayırıb. Qolat.com-un məlumatına görə, təhsil ocağının inşası...
Ölkə Futbolu
“Qarabağ” qələbə qazana bilmədi
“Qarabağ” qələbə qazana bilmədi
Ağdamın “Qarabağ” klubu növbəti yoxlama oyununu keçirib.  Qolt/com-un məlumatına görə, Ağdam təmsilçisi Avstriyada təlim-məşq toplanışında ikinci yoxlama...
Dünya Futbolu
Ronaldo: “Messi ilə karyeramızı eyni ildə bitirməyimiz pis olmazdı”
Ronaldo: “Messi ilə karyeramızı eyni ildə bitirməyimiz pis olmazdı”
“Nəzərə alsaq ki, Lionel Messi məndən 2 yaş kiçikdir, hər ikimizin karyeramızı eyni ildə bitirməyimiz pis olmazdı”.  Qolat.com-un məlumatına görə, bunu Portuqaliya millisinin və...