Millətlər Liqasının finalını kim idarə edəcək?

Millətlər Liqasının final oyununun hakimləri açıqlanıb.

Qolat.com-un məlumatına görə, UEFA həlledici qarşılaşmaya ispaniyalı baş hakim təyin edib.

İyunun 9-da Portu şəhərində keçiriləcək Portuqaliya – Hollandiya qarşılaşmasını Alberto Undiano Malyenko idarə edəcək. Onun başçılıq etdiyi briqadada həmyerliləri Roberto Alonso Fernandes, Xuan Karlos Yuste Ximenes və Mateu Lahoz kömək edəcək.

Qeyd edək ki, iyunun 9-da keçiriləcək İsveçrə və İngiltərə arasında 3-cü yer uğrunda oyunu rumıniyalı referi idarə edəcək. Matçın baş hakimi Ovidiu Alin Hateqana həmyerliləri Oktavian Şovre və Sebastyan Eugen George kömək edəcək. Yunanıstanlı Anastasios Sidiropoulos dördüncü hakim funksiyasını yerinə yetirəcək.